بايىبىنا بارماي كەيبىر ىستەردىڭ، 
اسىعىستاۋ قابىلدايمىز شەشىمدى. 
تۇيمەدەيگە رەنجيمىز دە جۇرەمىز، 
الا الماي اركىمنەن ءبىر ءوشىڭدى. 
.
«ۋاقىتىم جوق، رەنجىمەشى، باۋىرىم، 
ءحال سۇراۋعا، سىرلاسۋعا وزىڭمەن...» 
ءومىر سىرعىپ بارادى اعىپ، قايتەيىن، 
سىر كەتەدى ەكەن ءبارىبىر توزىمنەن... 
.
ىزدەمەي دە، الاڭداماي ەشكىمگە، 
تىرىسىندە بىلمەگەن سوڭ ءقادىرىن. 
كوز جاسىڭا وتىراسىڭ مالىنىپ، 
كەتكەننەن سوڭ قۇشاقتاپ اپ ءقابىرىن. 
.
سەن دە ايتاسىڭ: "مەندە جوق - دەپ، - تۇك ۋاقىت"،
مەن دە ايتامىن: "مەندە جوق- دەپ، - تۇك ۋاقىت". 
كۇندە كورىپ جۇرمەسەك تە، باۋىردىڭ،
اماندىعىن ءبىلۋ-داعى - ءبىر باقىت... 
.
ءبىر قۇرساققا سىيسا-داعى باۋىرلار، 
ءبىر قۇشاققا سىيمايدى ەكەن، جالعان-اي... 
بەس تاس سىندى بەس بەلەسكە لاقتىرىپ، 
تاستايدى ەكەن ءومىر قۇرىعىر... 
...ارمان-اي... 
.
ماقپال سەمباي